Prošeavtta ruhtadeaddjit
Deanuleagis sámástit -prošeavtta oppalaš bušeahtta lea 1 009 245 euro.
Prošeavtta ruhtadit Interreg Davvi (EAKR), Lappi lihttu, Ohcejoga gielda, KAMK, SEG ja Norgga Sámediggi.
Prošeavtta ovttasbargoguoimmit
Ohcejoga gieldda ulbmil lea prošeavttas hábmet ja ovddidit giellarávvendoaimmaid ja dieđu juohkima, hutkat ođđalágan virtuála giellalávddiid ja ovddidit gáiddusoahppama dábiid ja vugiid. Prošeavttain hálidit nannet maiddái ii-sámegielat olbmuid sámegiela máhtu ja ná doarjut olles giellaservoša sámegiela geavaheami. Ohcejoga gielda lea čađahan máŋggaid prošeavttaid ja gielddas lea nana máhttu prošeaktabarggus. Sámi musihkkaakademiija ja Giellagárdi-giellaguovddáš leat seamma Áilegas-guovddážis Ohcejoga girkosiiddas ja huksejit ná nana sámegielat doaibmanbirrasa.
Kajaani ámmátallaskuvlla Clever Simulation Entertainment -ovddidanjoavku ollašuhttá prošeavttas teknihkalaččat Vuosterávdnjái-oahppospealu, man váldoulbmil lea oahpahit spealliide sámegiela, -kultuvrra ja árbedieđu beroštahtti vugiin. Joavku lea hui movttiidan prošeavtta vejolašvuođain vurket Deanuleagi sámegiela, kulturárbbi ja birrasiid speallomáilbmái ja maiddái vejolašvuođas buvttadit ođđa bargoneavvuid sámegiela oahpahusa várás.
Sámi ealáhus- ja guorahallanguovddáš (SEG) buvttada bálvalusaid sápmelaš konsultašuvnna vuođul earret eará prošeaktajođiheamis, dutkan- ja plánenbarggus ja proseassahálddašeamis. Okta SEG višuvnnain lea nannet Sámi innovatiivvalaš čovdosiiguin. Dán prošeavttas SEG veahkehage ovddidit innovatiivvalaš ja rájá rasttildeaddji giellageavahanarenaid. SEG vuolde doaibmá Deanu giellagáddi, mii lea nana ja dehálaš doaibmi sámegiela ealáskahttimis Deanu gielddas. Giellaguovddáš lea ovddidan erenoamážit giellaleairadoaimma ja fállan doarjaga máŋggagielatvuođa hástalusaide earret eará Bluč bokte.
