Šatta sámegielat speallobajásgeassin! Deanuleagis sámástit fállá nuvttá skuvlejumi ja vejolašvuođa lassidietnasii speallanrieggáid láidesteaddjin
Deanuleagis sámástit -prošeakta álggaha dán giđa ovttasbarggus School of Gaming -spealloskuvllain sámegielat speallanrieggáid neahtas. Rieggáid váras prošeakta ja SOG skuvlejit ja bálkáhit sámegielat speallobajásgeassiid.
Jos don ráhkistat speallat, dus lea vásáhus mánáiguin ja nuoraiguin doaibmamis, ja máhtát sámegiela – dá lea dutnje niehkodilálašvuohta lassidietnasii! Oza sámegielat speallobajásgeassi skuvlejupmái ja doala virtuála speallanrieggáid mánáide ja nuoraide!
Deanuleagis sámástit -prošeakta álggaha dán giđa ovttasbarggus suopmelaš School of Gaming -spealloskuvllain máŋggadásat sámegielat speallanrieggáid neahtas. Rieggáid váras prošeakta ja SOG skuvlejit ja bálkáhit sámegielat speallobajásgeassiid.
Speallobajásgeassit leat speallanrieggáid láidesteaddjit, oahpaheaddjit ja joavkkuid oktiigullevašvuođa huksejeaddjit. Speallobajásgeassi skuvlejupmi álgá vahkus 14 (álgináiggis lea vejolaš ráđđádallat) ja bistá sullii guokte vahku. Skuvlejupmi sisttisdoallá maiddái hárjehallama. Sihke skuvlejupmi ja hárjehallan dollojuvvojit neahta bokte. Skuvlejumiin sáhttá ovdánit iežas fárttain, nu ahte dan sáhttá bures čađahit maiddái barggu dahje studeremiid olis.
Rieggát álget skuvlejumi maŋŋá. Juohke speallobajásgeassi vástida 1–3 rieggás (2 d/riekkis) vahkus. Bálkká birra fidnet dieđuid prošeaktahoavddas, oktavuođadieđut leat vuolábealde.
Oza sámegielat speallobajásgeassin maŋimustá 4.4. Sádde friijahámat ohcamuša šleađgapoasttain čujuhussii samastit@utsjoki.fi. Muital ohcamušas oanehaččat, manin eiddo don heivešit speallobajásgeassin. Muital maiddái, makkár vejolašvuođat dus leat doallat min speallanrieggáid.
Loga lasi SOG rieggáin ja speallobajásgeassi barggus dáppe.
Lassidieđut:
prošeaktahoavda Kati Eriksen
kati.eriksen@utsjoki.fi
040 594 5060
School of Gaming
kanslia@sog.gg