Almmustuvvan 28.9.2021

Oza midjiide bargui Gáregasnjárgii!

Deanuleagis sámástit -prošeakta bálkáha Gáregasnjárgga gillái bargi doallat sámegielat doaimmaid dálvet 2021–2022.

Orutgo Gáregasnjárggas ja hálat sámegiela?
Liikotgo bargat olbmuiguin?
Livččetgo beroštuvvan lassidietnasis?

 

Jos vástidit bajábeale gažaldagaide jua, oza midjiide bargui!

Deanuleagis sámástit -prošeakta ohcá bargi doallat Gáregasnjárgga gilis sámegiel doaimmaid dálvet 2021–2022. Bargu lea sullii moadde diimmu vahkus, vejolaččat eanetge. Sáhttit ráđđádallat áššis!

Deanuleagis sámástit -prošeakta ordne iešguđetlágan sámegiel astoáiggedoaimmaid mánáin gitta boarrásiidda. Doaimmat sáhttet laktásit omd. falástallamii, duddjomii, musihkkii, málesteapmái, luonddudáidduide dahje vaikkoba hálešteapmái. Bargi beassá váikkuhit doaimmaide ja plánet daid ovttas eará prošeaktabargiiguin.

Bargu álgá soahpamuša mielde. Váldde oktavuođa de sáhttit muitalit eambbo – dahje sáddes njuolga friijahámat ohcamuša šleađgapoasttain čujuhussii kati.eriksen@utsjoki.fi. Mii bálkáhat vuosttas heivvolaš ohcci!

Buresboahtin min movttegis jovkui!

Lassidieđut:

Kati Eriksen
prošeaktahoavda, Deanuleagis sámástit
kati.eriksen@utsjoki.fi
+358 40 594 5060

Ruovttoluotta

Eará ođđasat

Deanuleagis sámástit -prošeakta nohká – Giellagárdi álggaha doaimmaidis giellakurssaiguin

Deanuleagis sámástit -prošeavtta neahttasiiddut ja somekanálat rivdet čavčča áigge giellaguovddáš Giellagárddi kanálan. Giellagárdi doaibmagoahtá olles leavttuin skábmamánus, go guovddáža máŋggagielatvuođarávvejeaddji álggaha barggustis.
Loga eambbo

Buresboahtin Giellagárddi nuvttá sámegielkurssaide – almmut iežat dál!

Kurssat leat oaivvilduvvon vuosttas sajis Ohcejoga gieldda bargiide, muhto daidda čáhket bures maiddái eará gieldalaččat. Oahput vuođđuduvvet logahaga vierisgiela oahppoplánii.
Loga eambbo

Bures boahtin Ohcejoga giellaguovddáš Giellagárddi rahpandoaluide Ohcejohnjálmmi skuvlii dahje Teamsii 23.5!

Giellagárddi rahpandoaluin gullat giellaguovddáža plánaid ja Ohcejoga gielladili birra, sámegiela ealáskahttimis rávesolbmon ja Laura Tapiola juoigamin Máttuid árdna -luđiid.
Loga eambbo

Buresboahtin buotahkásaččaide oaivvilduvvon sámegiel dolgevuoggakursii Ohcejohkii!

Kursa ja dolgevuokkaid čatnanmateriálat leat oassálastiide nuvttá.
Loga eambbo

Deanuleagis sámástit rahpá ođđa chát-bálvalusa, mas fidne veahki, rávvagiid ja doarjaga giellaáššiide!

Giellarávvehat-cháttás sáhtát jearrat vugiid vaikkoba máná sámegiela nannemii.
Loga eambbo

Gáregasnjárggas álgá ođđa sámegiel falástallan- ja speallanriekkis mánáide ja nuoraide!

Rieggás speallat earálágan spábbaspealuid siste ja olgun, lášmmohallat ja sáhttit čuoigat ja skeittátge.
Loga eambbo

Deanuleagis sámástit lea almmustahttán Youtubes suomagiel skuvlejumi sápmelaččaid gielalaš vuoigatvuođain!

Neahttaskuvlejupmi lea ávkkálaš earret eará sámeguovllu eiseválddiide, bargoaddiide ja áššehašbálvaleaddjiide.
Loga eambbo

Ohcejohkalaš vánhemat ja fuolaheaddjit, buresboahtin sámi giellarávvehateahkedii!

Giellarávvehateahkedis lea ulbmil ságastallat mánáid ja nuoraid gielalaš ovdáneamis, sámegiela geavaheamis ja das, makkár vugiiguin sámegiela sáhttá doarjut Ohcejogas.
Loga eambbo

Buorre Sámi giellavahkku 2021! Dá Deanuleagis sámástit -prošeavtta giellavahku prográmma!

Sámi giellavahku dehálamos ulbmil lea oažžut sámegielaid oidnot ja gullot viidásabbot omd. iešguđetlágan dáhpáhusaid ja doaimmaid bokte.
Loga eambbo

Buresboahtin sámi girjjálašvuohtajovkui!

Sámi girjjálašvuohtajoavku čoahkkana oktii mánus Pedar Jalvi -girjerádjui oahpásmuvvat ođđa ja boares girjjiide ja háleštit daid birra sámegillii.
Loga eambbo

Buresboahtin vuollegis šielmmá káfestallanbottuide!

Káfestallanbottut leat jurddašuvvon erenomážit daidda, geat hárjehallet sámegiela hállama, muhto maiddái eatnigielat hállit leat buresboahtin.
Loga eambbo

Deanuleagis sámástit fállá máŋggalágan sámegielkurssaid – Almmut iežat mielde dál!

Buresboahtin Deanuleagis sámástit -prošeavtta ja Ohcejoga sámelogahaga oktasaš sámegielkurssaide! Kurssat leat oaivvilduvvon rávesolbmuide.
Loga eambbo

Buresboahtin sámegiel álšasálii Ohcejohkii juohke maŋŋebárgga!

Sámegiel álšasále lea sámegiel trenenbiras. Álšasálebottut leat oaivvilduvvon sihke eatni- ja vierisgiellagiidda.
Loga eambbo

Buresboahtin sámegiel neahttayogai juohke maŋŋebáreahket! Kundalini ja yin yoga -bottut heivejit buohkaide

Buohkaide rabas yoga-bottut dollojuvvojit juohke maŋŋebárgga dmu 19.30–21.00 Suoma áiggi, dmu 18.30–20.00 Norgga áiggi.
Loga eambbo

Sámegielat mánáide álgá čakčat iežaset speallanskuvla neahtas – Almmut máná beroštumis dál!

Deanuleagis sámástit ja School of Gaming leat dán giđa piloteren sámegielat neahttaspeallanskuvlla Deanuleagi mánáiguin. Doaibma lea lihkostuvvan nu bures, ahte dál ulbmil lea fállagoahtit dan buot sámegielat mánáide.
Loga eambbo