Buresboahtin Giellagárddi nuvttá sámegielkurssaide – almmut iežat dál!
Kurssat leat oaivvilduvvon vuosttas sajis Ohcejoga gieldda bargiide, muhto daidda čáhket bures maiddái eará gieldalaččat. Oahput vuođđuduvvet logahaga vierisgiela oahppoplánii.
Ohcejoga ođđa Giellaguovddáš Giellagárdi lágida dán čavčča máŋgga dási sámegielkurssaid sihke neahtas gáiddusoktavuođaid bokte ja fysalaččat Ohcejogas.
Sámegiela álgokursa ordnejuvvo duorastagaid diibmu 15.15–17.00. Oahpaheaddjin Risten Mustonen (risten.mustonen@edu.utsjoki.fi). Oahpahus lea logahagas luohkás 83. Vuosttas deaivvadeapmi 1.9.2022.
Sámegiela joatkkakursa ordnejuvvo maŋŋebárggaid dmu 15.15–17.00 neahttakursan Teams bokte. Oahpaheaddjin Eila Tapiola (eila.tapiola@utsjoki.fi). Vuosttas deaivvadeapmi 6.9.2022. Kurssa lea dárbbu mielde vejolaš juohkit guovtti jovkui.
Ovdánan studeanttaide oaivvilduvvon sámegielkursa lágiduvvo duorastagaid dmu 16.00–17.30 Sámi musihkkaakademiijas Ohcejogas. Oahpaheaddjin Ante Aikio. Vuosttas deaivvadeapmi lea 15.9.2022.
Kurssat vuođđuduvvet logahaga vierisgiela oahppoplánii ja leat nuvttá. Kurssat leat oaivvilduvvon vuosttas sajis Ohcejoga gieldda bargiide, muhto daidda čáhket bures maiddái eará gieldda olbmot. Oassálastit sáhttet soahpat kurssaid áigetávvalis ovttas oahpaheaddjiin vuosttas deaivvademiin.
Almmut iežat kurssaide šleađgapoastta bokte Giellagárddi koordináhtor Laura Arolai, laura.arola@utsjoki.fi. Juos leat beroštuvvan kurssain, muhto it dieđe man kursii gulat, váldde oktavuođa koordináhtorii.
Lassidieđut:
Koordináhtor Laura Arola
Giellaguovddáš Giellagárdi
040 525 8049
laura.arola@utsjoki.fi