Deanuleagis sámástit rahpá ođđa chát-bálvalusa, mas fidne veahki, rávvagiid ja doarjaga giellaáššiide!

Giellarávvehat-cháttás sáhtát jearrat vugiid vaikkoba máná sámegiela nannemii.

Giellarávvehat-chát gávdno 7.2. rájes Deanuleagis sámástit -prošeavtta neahttasiiddu olgeš vuolleravddas.

Deanuleagis sámástit -prošeavtta neahttasiiddus rahpasa Sámi álbmotbeaivvi 6.2.2022 gudnin chát-bálvalus, mii fállá veahki giellaáššiiguin!

Giellarávvehat-chát lea bálvalus buohkaide, geat dárbbašit ságastallama, veahki, doarjaga dahje rávvagiid ovdamearkka dihte sámegiela oahppamii, giela sirdimii mánáide ja nuoraide dahje sámegiela doarjumii iešguđetlágan birrasiin. Chát lea dárkkuhuvvon Deanu čázádaga ássiide ja sámegiela gáiddusoahpahusprošeavtta bearrašiidda.

Sáhtát jearrat ovdamearkka dihtii:

  • bearraša giellastrategiija ja giellaválljemiid birra
  • máná sámegiela ovdáneamis
  • sámegiela aktiveremis

Cháttás vástida Deanuleagis sámástit -prošeavtta máŋggagielatvuođaáššedovdi Laura Arola. Gažaldagaid sáhttá jearrat suomagillii, sámegillii, dárogillii ja eaŋgalasgillii. Bálvalusa lea vejolaš geavahit áibbas anonyman.

Chát lea rabas 7.2. rájes juohke vuossárgga dmu 9–12. Eará áiggiid sáhtát guođđit chát bokte iežat gažaldaga ja oktavuođadieđuid, de máŋggagielatvuođaáššedovdi váldá dutnje oktavuođa.

Deanuleagis sámástit -prošeakta buvttada giellaáššiid birra maiddái sáme- ja suomagiel Giellarávvehat 2.0 -filbmaráiddu, man buot oasit gávdnojit Youtube-kanálasteamet.

 

Lassedieđut:

Laura Arola
máŋggagielatvuođa áššedovdi
laura.arola@utsjoki.fi
+358 40 480 1301



Eará ođđasat