Almmustuvvan 2.9.2022

Deanuleagis sámástit -prošeakta nohká – Giellagárdi álggaha doaimmaidis giellakurssaiguin

Deanuleagis sámástit -prošeavtta neahttasiiddut ja somekanálat rivdet čavčča áigge giellaguovddáš Giellagárddi kanálan. Giellagárdi doaibmagoahtá olles leavttuin skábmamánus, go guovddáža máŋggagielatvuođarávvejeaddji álggaha barggustis.

Deanuleagis sámástit -prošeavtta okta stuorámus ulbmiliin lei cegget sámi giellaguovddáža Ohcejohkii. Giellagárdi-nammasaš giellaguovddáža rahpanseminára lágiduvvui miessemánus Ohcejohnjálmmi skuvllas. Govva: Laura Arola / Deanuleagis sámástit

Deanuleagis sámástit -prošeakta (Interreg Davvi) lea nohkamin. Prošeakta álggii guovvamánus 2020 ja nohká čakčamánus 2022.

Deanuleagis sámástit lea maŋimuš guovtte jagi áigge lágidan máŋggalágan sámegiel doaimmaid ja dáhpáhusaid Deanuleagi olbmuide. Prošeakta lea maid fállan earret eará sámegiel kurssaid ja máŋggagielatvuođarávvema, ja buvttadan Youtubei Sámi giellarávvehat 2.0 -filbmaráiddu. Prošeakta lea dahkan ovttas Kajaani ámmátallaskuvllain sámegiel Vuosterávdnjái-dihtorspealu, man almmustahttimis muitalat eambbo lagaš áiggiid. Prošeavtta stuorámus ulbmil leamaš cegget Ohcejohkii iežas sámi giellaguovddáža, Giellagárddi, man rahpandoaluid beasaimetge ávvudit miessemánus Ohcejogas!

Prošeavtta olles áigodaga doaimmaide sáhtát oahpásmuvvat neahttasiiddus www.samastit.org ja Facebook-, Instagram- ja Youtube-konttuin. Deanuleagis sámástit -prošeavtta neahttasiiddut ja somekanálat rivdet čavčča áigge Giellagárddi kanálan. Joatkke nappo áinnas daid čuovvuma!

Giellagárdi álggaha doaimmaidis sámegiel kurssaiguin. Giellagárdi fállá dán čavčča sámegielas máŋgga dási oahpuid, mat leat oaivvilduvvon vuosttas sajis Ohcejoga gieldda bargiide, muhto kurssain lea bures sadji maid gieldda eará olbmuide. Sáhtát lohkat sámegielkurssaid birra eambbo dáppe!

Jos dus leat gažaldagat Giellagárddi doaimmas, sáhtát váldit oktavuođa koordináhtor Laura Arolai, laura.arola@utsjoki.fi. Giellagárdi doaibmagoahtá olles leavttuin skábmamánus, go guovddáža máŋggagielatvuođarávvejeaddji álggaha barggustis.

Deanuleagis sámástit -prošeavtta bargojoavku giitá buohkaid, geat leat maŋimuš guovtte jagi áigge oassálastán min doaimmaide ja bargan minguin buorre ovttasbarggu!

Deanuleagis sámástit -prošeakta

Ruovttoluotta

Eará ođđasat

Buresboahtin Giellagárddi nuvttá sámegielkurssaide – almmut iežat dál!

Kurssat leat oaivvilduvvon vuosttas sajis Ohcejoga gieldda bargiide, muhto daidda čáhket bures maiddái eará gieldalaččat. Oahput vuođđuduvvet logahaga vierisgiela oahppoplánii.
Loga eambbo

Bures boahtin Ohcejoga giellaguovddáš Giellagárddi rahpandoaluide Ohcejohnjálmmi skuvlii dahje Teamsii 23.5!

Giellagárddi rahpandoaluin gullat giellaguovddáža plánaid ja Ohcejoga gielladili birra, sámegiela ealáskahttimis rávesolbmon ja Laura Tapiola juoigamin Máttuid árdna -luđiid.
Loga eambbo

Buresboahtin buotahkásaččaide oaivvilduvvon sámegiel dolgevuoggakursii Ohcejohkii!

Kursa ja dolgevuokkaid čatnanmateriálat leat oassálastiide nuvttá.
Loga eambbo

Deanuleagis sámástit rahpá ođđa chát-bálvalusa, mas fidne veahki, rávvagiid ja doarjaga giellaáššiide!

Giellarávvehat-cháttás sáhtát jearrat vugiid vaikkoba máná sámegiela nannemii.
Loga eambbo

Gáregasnjárggas álgá ođđa sámegiel falástallan- ja speallanriekkis mánáide ja nuoraide!

Rieggás speallat earálágan spábbaspealuid siste ja olgun, lášmmohallat ja sáhttit čuoigat ja skeittátge.
Loga eambbo

Deanuleagis sámástit lea almmustahttán Youtubes suomagiel skuvlejumi sápmelaččaid gielalaš vuoigatvuođain!

Neahttaskuvlejupmi lea ávkkálaš earret eará sámeguovllu eiseválddiide, bargoaddiide ja áššehašbálvaleaddjiide.
Loga eambbo

Ohcejohkalaš vánhemat ja fuolaheaddjit, buresboahtin sámi giellarávvehateahkedii!

Giellarávvehateahkedis lea ulbmil ságastallat mánáid ja nuoraid gielalaš ovdáneamis, sámegiela geavaheamis ja das, makkár vugiiguin sámegiela sáhttá doarjut Ohcejogas.
Loga eambbo

Buorre Sámi giellavahkku 2021! Dá Deanuleagis sámástit -prošeavtta giellavahku prográmma!

Sámi giellavahku dehálamos ulbmil lea oažžut sámegielaid oidnot ja gullot viidásabbot omd. iešguđetlágan dáhpáhusaid ja doaimmaid bokte.
Loga eambbo

Buresboahtin sámi girjjálašvuohtajovkui!

Sámi girjjálašvuohtajoavku čoahkkana oktii mánus Pedar Jalvi -girjerádjui oahpásmuvvat ođđa ja boares girjjiide ja háleštit daid birra sámegillii.
Loga eambbo

Oza midjiide bargui Gáregasnjárgii!

Deanuleagis sámástit -prošeakta bálkáha Gáregasnjárgga gillái bargi doallat sámegielat doaimmaid dálvet 2021–2022.
Loga eambbo

Buresboahtin vuollegis šielmmá káfestallanbottuide!

Káfestallanbottut leat jurddašuvvon erenomážit daidda, geat hárjehallet sámegiela hállama, muhto maiddái eatnigielat hállit leat buresboahtin.
Loga eambbo

Deanuleagis sámástit fállá máŋggalágan sámegielkurssaid – Almmut iežat mielde dál!

Buresboahtin Deanuleagis sámástit -prošeavtta ja Ohcejoga sámelogahaga oktasaš sámegielkurssaide! Kurssat leat oaivvilduvvon rávesolbmuide.
Loga eambbo

Buresboahtin sámegiel álšasálii Ohcejohkii juohke maŋŋebárgga!

Sámegiel álšasále lea sámegiel trenenbiras. Álšasálebottut leat oaivvilduvvon sihke eatni- ja vierisgiellagiidda.
Loga eambbo

Buresboahtin sámegiel neahttayogai juohke maŋŋebáreahket! Kundalini ja yin yoga -bottut heivejit buohkaide

Buohkaide rabas yoga-bottut dollojuvvojit juohke maŋŋebárgga dmu 19.30–21.00 Suoma áiggi, dmu 18.30–20.00 Norgga áiggi.
Loga eambbo

Sámegielat mánáide álgá čakčat iežaset speallanskuvla neahtas – Almmut máná beroštumis dál!

Deanuleagis sámástit ja School of Gaming leat dán giđa piloteren sámegielat neahttaspeallanskuvlla Deanuleagi mánáiguin. Doaibma lea lihkostuvvan nu bures, ahte dál ulbmil lea fállagoahtit dan buot sámegielat mánáide.
Loga eambbo