Deanuleagis sámástit doallá cuoŋománus sámegielat álšasálebottuid Ohcejogas, buresboahtin!

Álšasálebottuiguin lea ulbmil fállat olbmuide vejolašvuođa hárjehallat ja geavahit sámegiela doaimma bokte.

Buresboahtin sámegielat álšasálii Ohcejohkii duorastagaid dmu 15.30–17.00!

Deanuleagis sámástit -prošeakta doallá sámegielat álšasálebottuid, maiguin lea ulbmil fállat olbmuide vejolašvuođa hárjehallat ja geavahit sámegiela doaimma bokte. Bottut leat nuvttá ja rabas buohkaide. It dárbbaš almmuhit iežat ovddalgihtii, beare boađe báikki ala!

Bottut dollojuvvojit duorastagaid 15.4., 22.4. ja 29.4. Mii doallat bottuid dál álggos golbmii. Mearridat boahtteáiggis go oaidnit, leatgo olbmot beroštuvvan doaimmas.

Álšasálebottuid doallaba Kati Eriksen ja Laura Arola.

Mii čuovvut Ohcejoga lihkadandoaimma koronadorvvolašvuođa rávvagiid. Dan dihte:

  • Ále boađe álšasálii, jos dus leat makkárge dávdamearkkat.
  • Muitte doallat dorvvolaš gaskka earáide.
  • Fuolat buorre giehtahygienas, basa gieđaid sáippuin ja geavat giehtadesi.
  • Fina riššus easkka ruovttus.


Eará ođđasat