Deanuleagis sámástit ohcá golbma sámegielat nuora miellagiddevaš geassebargui!
Prošeakta bálkáha golbma Ohcejoga gielddas ássi nuora veahkehit Deanuleagi olbmuid jearahallamiid plánemis, jearahallandilálašvuođaid govvemis ja materiálaid editeremis.
Leatgo 13–16-jahkásaš ohcejohkalaš nuorra, ja máhtát sámegiela? Leatgo beroštuvvan oahppat govvema ja editerema vuođđodáidduid – ja dinet veháš iežat geasseruđa? Oza midjiide bargui!
Deanuleagis sámástit lea guovttejahkásaš (2020–2022) Interreg Davvi -prošeakta, mii nanosmahttá Deanuleagi sámegiela ja árbedieđu. Prošeakta buvttada earret eará iežas Vuosterávdnjái-dihtorspealu, mainna lea ulbmil hávskes vugiiguin oahpahit nuoraide sámegiela ja Deanuleagi kulturárbbi.
Prošeakta vurke spealu váras Deanuleagi olbmuid máidnasiid ja dieđuid guovllus. Dán barggu váras prošeakta bálkáha golbma Ohcejoga gielddas ássi nuora veahkehit olbmuid jearahallamiid plánemis, jearahallandilálašvuođaid govvemis (mii čuovvut jearahallamiin dárkket koronadorvvolašvuođa rávvagiid) ja materiálaid editeremis. Nuorat ožžot barggu álggus bagadallama earret eará govvemis ja editeremis.
Nuoraid bagadallin doaibmaba Ohcejoga nuoraidbargi Aleksi Ahlakorpi ja Deanuleagis sámástit -prošeavtta bargi Niki Rasmus. Barggu bagadeapmi ja eará gulahallan lea sámegillii. Bargobáiki lea Ohcejoga márkanis.
Bargu bistá guokte vahku 7.–20.6.2021. Bargobeaivvit leat guhtta diimmu. Bálká lea 12 euro/diibmu.
Sádde iežat friijahámat ohcamuša maŋimustá 18.4. šleađgapoasttain čujuhussii: samastit@utsjoki.fi. Muital ohcamušas oanehaččat iežat birra ja daid sivain, manin leat beroštuvvan ohcat barggu!
Lassidieđut:
prošeaktahoavda Kati Eriksen
kati.eriksen@utsjoki.fi
040 594 5060