Deanuleagis sámástit fállagoahtá kundaliniyoga sámegillii neahtas – Buresboahtin vuosttas yogai vuossárgga 12.4!
Kárášjohkalaš Berit Nystad doallá kundaliniyoga Zoom bokte juohke vuossáreahket gitta miessemánu lohppii. Bottut leat nuvttá ja rabas buohkaide.
Deanuleagis sámástit -prošeakta fállá 12.4. rájes juohke vuossáreahket neahtas kundaliniyoga sámegillii.
Kundaliniyogai sáhttá oassálastit Zoom bokte vuossárggaid 12.4.–31.5.2021 dmu 19.45–21.15 Suoma áiggi, dmu 18.45–20.15 Norgga áiggi. Yogat leat nuvttá ja rabas buohkaide.
Kundaliniyogabottuid doallá kárášjohkalaš Berit Nystad, guhte lea KRI oahppan kundaliniyogaoahpaheaddji joatkkaoahpu dásis. Nystad lea maid oahppan goŋŋačuojaheaddji, ja jođiha goŋŋameditašuvnnaid ja vuoiŋŋastemiid goŋŋašuoŋaide.
Berit Nystad jođiha Davvi Yoga ja oahpaha yoga sihke ruovttubáikkistis Kárášjogas ja neahta bokte. Son lea doallan maid vahkkoloahpa deaivvademiid, retreataid ja yogabagademiid ovttat olbmuide.
Deanuleagis sámástit -prošeavtta kundaliniyoga-bottut leat easkkaálgi dásis ja heivejit buohkaide.
– Šaddá ollu vanahallan, muhto maiddái ieš guđet ge vuoigŋanvuogit ja oanehis kundaliniyoga kriyat. Maŋŋá fysálaš lihkademiid, de vuoiŋŋastat. Ja dan maŋŋá mediteret.
– Meditašuvdna lea dehálaš oassi kundaliniyogas das go rumaš, miella ja siellu gullet oktii. Miela dilli váikkuha rupmašii ja rupmaša veadjin gis millii. Ja buot dieid bajábealde lea siellu mii lea olbmo “váimmus”, dat duohta “don”, Nystad govvida yogabottuidis.
Juohke yogaboddu álgá Ong Namo Guru Dev Namo mantrain ja loahpahuvvo Sat Nam mantrain.
Yogai beassá álo dán seamma liŋkkas: Zoom.us.