Buresboahtin vuollegis šielmmá káfestallanbottuide!

Káfestallanbottut leat jurddašuvvon erenomážit daidda, geat hárjehallet sámegiela hállama, muhto maiddái eatnigielat hállit leat buresboahtin.

Deanuleagis sámástit -prošeakta ordne Ohcejogas vuollegis šielmmá sámegiel káfestallanbottuid logahatahkásaččaide ja rávesolbmuide.

Boađe káfestallat ja háleštallat dahje hárjehallat ja aktiveret iežat sámegiela máhtu! Káfestallanbottut leat jurddašuvvon erenomážit daidda, geat hárjehallet sámegiela hállama, muhto maiddái eatnigielat hállit leat váimmolaččat buresboahtin!

– Mii leat jurddašan dán doaimmas ovdamearkka dihte daid olbmuid, geat eai leat oahppan sámegiela ruovttus, leat gullan dan álo, muhto geain lea makkárnu šielbmá hállagoahtit dan. Mis lea álo juoga fáddá ja sátnelistu das veahkkin, muitala Deanuleagis sámástit -prošeavtta máŋggagielatvuođaáššedovdi Laura Arola.

Káfestallanbottuide sáhttá boahtit friija dalle go alcces heive, iige doibmii dárbbaš čatnasit guhkit áigái.

Vuollegis šielmmá káfestallanbottut dollojuvvojit Sámi musihkkaakademiijas Ohcejogas juohke gaskavahku dmu 16.00–17.30. Giđđat 2022 káfestallanbottut lágiduvvojit áigodagas 12.1.–25.5.2022! Buresboahtin!

 

Lassidieđut:

Laura Arola, máŋggagielatvuođa áššedovdi
Deanuleagis sámástit -prošeakta
+358 40 480 1301
laura.arola@utsjoki.fi



Eará ođđasat