Ohcejohkalaš vánhemat ja fuolaheaddjit, buresboahtin sámi giellarávvehateahkedii!
Giellarávvehateahkedis lea ulbmil ságastallat mánáid ja nuoraid gielalaš ovdáneamis, sámegiela geavaheamis ja das, makkár vugiiguin sámegiela sáhttá doarjut Ohcejogas.
Deanuleagis sámástit -prošeakta lágida ohcejohkalaš mánáid ja nuoraid vánhemiidda ja fuolaheaddjiide Sámi giellarávvehateahkeda duorastaga 28.10. dmu 18 neahtas Teams bokte. Beasat searvat dáhpáhussii dán liŋkkas.
Boađe gullat ja ságastallat mánáid ja nuoraid gielalaš ovdáneamis, sámegiela geavaheamis ja das, makkár vugiiguin sámegiela sáhttá doarjut Ohcejogas.
Dát vuosttas deaivvadeapmi lea neahtas, muhto ulbmil lea eahkeda áigge ságastallat maiddái das, makkár dárbbut ja sávaldagat sámi giellarávvehaga doaimmaide leat Ohcejot gilážiin.
Jos hálidat, sáhtát sáddet eahkeda váras gažaldagaid ovddalgihtii máŋggagielatvuođa áššedovdi Laura Arolai šleađgapoasttain laura.arola@utsjoki.fi. Mii gieđahallat gažaldagaid eahkedis namaheapmin.
Sámi giellarávvehateahket dollojuvvo suomagillii.